DÍA DE FIESTA

Equí tenéis delles semeyes del dia del patrón del cole y delles coses que se ficieron pal Centenariu del Quixote. A lo llargo d´esa selmana fáense delles actividaes deportives y culturales: carreres, campeonatu de fútbol y baloncestu, charles, etc. Duren casi toa la selmana y participen tolos ciclos. Esti añu va cellebrase ente´l 13 y 16 de marzu. Esperemos que too salga bien, nun nos fastidie´l tiempu y queyos preste a toos abondo.

Esti añu los profesores tenemos de ganar el partiu de baloncestu polo civil o polo criminal.

L´EQUIPU CRÓNICA ATACA DE NUEVO

Como dicía n´otra entrada diba falar del periódicu dixital. Trátase del proyeutu que fai El País pa los escolinos. Nómase El País de los estudiantes y trátase que los propios rapazos faiguen un periódicu dixital por completu: ellaborar les noticies, asoleyales, espublizales y maquetales. Asina deprenden cómo ye un periodicu y como ye ,y se fai, una noticia. Ye perentretenío y polo xeneral suel prestayos abondo, anque en munches vegaes dellos llimítense a cortar y pegar. Equí podéis ver delles semeyes que illustren dellos artículos.

L´EQUIPU CRÓNICA

Non, nun tien nada que ver col grupu pictóricu pop español.









Estos son los brillantes redactores d´un periódicu dixital. Nun se trata de que seyan verdaderos periodistes sinon de que se afayen coles herramientes de les nueves tecnoloxíes y de prendan un poquiñin sobre´l cuartu poder.
Son, de manzorga a mandrecha David, Eva, Senén, Sandra y Rosana. Del periódicu falaremos n´otru llau.

S´ACABÓ LA FIESTA

Dempues de les fartures y el folgar los pas ya puen dexar un güecu dempues de dayos a los rapaces los Reis pa recordayos quél prosimu día 9 de xineru toca volver al tayu, a los disgustos, a matar a Peter Pan y facese mayor. Tornamos pa la escuela. Un saludu.

¿ CARVER YE DIOS?

Nun se pue negar que Raymond Carver ye l´autor más importante y más nomáu como influencia pa los autores qu´escriben relatos curtios. Sobre manera pa lo que los críticos saxones nomen slices of life.



¿ Pero de qué falamos cuando falamos de relatu curtiu? Pa min dende llueu nun falamos d´ún xeneru menor, dafechu pa mín ye lo que más me presta. Nel casu del nomáu Realismu Suciu falamos de situaciones nes qu´un momentu dau la to vida camuda por mor d´un fechu que nun paez tener nenguna importancia pero que fai que todo seya distinto y ,normalmente, todo tienda a finar o a desapaecer de forma inevitable.

ún de los autores nos que se pue ver el so rastru, anque mecío conotres preocupaciones como la señaldá por un mundu que se desvanez y una llingua que se la dexa morrer ensín piedá, ye Xandru Fernández , ún de los pocos autores que xorrez con caún de los llibros que asoleya y eso ye dalgo que pasa con pocos. La preba esti llibru, a pesar del primer relatu que nun ta al altor de lo qu´atopamos dempués. Una verdadera ayalga, y una entruga ¿ por qué la calida del papel ye tan mala?

El NUESTRU CENTRU

Ésti que veis equí ye´l nuestru colexu, agora ensín ñeve ni rapazones. Ta en Sotrondio, capital del conceyu de SaMartín del Rei Urelio.
La semeya ta un poco escura, ye lo que tien cuando se faen les coses na seronda, ¿ o foi n´iviernu?

ANICIU

Siéntolo pero esti nun ye un blog relixiosu. Anque God is in the house seya un gran canciu, la espiritualidá ye daqué que se m´escapa. Esti blog forma parte d´un trabayu de profesores d´asturianu nel que toi metiu y pequí enriedo un poquiñín pa facese coles ferramientes de les nueves tecnoloxies. Por ciertu, ¿por qué ye más nueva la tecnoloxía informática que la fotocopiadora si esta llegó dempués? Equí ta la paxina web del centru, que por ciertu nun sabía ni que taba. Esti Veli ye mundial.

Estos son dellos de los alumnos a los que-yos doi clase faiga sol, orbaye o ñeve. Más tarde pondré más de lo que me pete, hai que tornar al tayu